مأ ساتي مع البــــــلوقـ

ااااااااااااااااااااااااااه ياجماعه

من العصـــــــــــر وانا احاول ادخل البلوق حقي

تصدقون نسيت الرقم السري

كنت ناوية اصيح بس قلت لا يابنت خلي دموعك لليوم الاسود تحتاجينهم

واحاول واحاول بدون فاااااااااااايده

طبعا انا هذا البلوق سويتة بعد تعب وانا ادور اسم وكل مالقيت اسم اقول حق اخوي وش رايك بالاسم يافلان يقولي لا مو حلو

وكل ماقولة اسم يقول مادري كيفك

حتى وانا اتغدا افكر باسم حتى فكرت اسمي بلوقي متبل سلطة خخخخخخخخخخخخخخ

بالاخير استشرة اعضاء المنتدى اللى انا معاهم

وعطوني اسماءكثــــــــيرة اللى عجبتي واللى ماعجبتني حسيت الاسماء دسمة وانا ماتلوق على هالاسماء بس ماقصروا والله

اردها لهم بالافراح ان شاء الله

وبالاخير تذكرت اني مضيعه بيتنا وقلت خلني اقولكم اني مضيعه بيتنا وسميت نفسي مضيعه بيتنا

وكلوووووووووووووووووولللللييييييييييييييش الحمدلله لقيت اسم

بس اليوم لما ضاع الرقم السري قلت حق اخوي يافلان ساعدني قالي روحي فكيني ماني فاضي لك

قتله فلان انت عندك خبرة بالبلوق سنتين علمني انا اختك !!! قال لاتزهقيني

بس الحمدلله صرت ذكية وارسلولي الرقم السري على الايميل والحمدلله انفتح معاي

ولما ارسلولي الرقم السري طلع ياجماعه مو الرقم السري الغلط طلع الاسم اللى انا ادخل فيه غلط

هههههههههههههههههههااااااااااااي

لحد يضحك بس انا اضحك عيب لاتطنزون على :( ترى الدنيا دوارة والله يبليكم بعدين

المهم ماسئلتوني ليه انا ابي ادخل البلوق؟؟؟

على شان اقولكم مبارك عليكم الشهر ياجماعه

وجعلة ان شاء الله شهر خير وبركة على المسلمين جمــــــــــــيع يارب

والله يبلغنا واياكم رمضان اعوااااااااام عديده ان شاء الله

بس الغريب الناس كلها بالشارع تحتفل بالعيد الوطني والاغاني على الاخر والزحمه ماتقدر السيارة تمشي !!بس عندي سؤال

فرحانين بالعيد الوطني او بالاجازة ؟؟

طيب فرحتهم زي فرحتهم بشهر رمضان ؟؟

ويازوار ياغاليني اي تقصير في البلوق حقي لاتلوموني تراني توني جديده على البلوقات

بس الله يخلي اخوي حبيبي قلبي بيساعدني بعد تذمر وهواش بس مو مشكلة عسل على قلبي

المهم يسويلي اللى انا ابيه!!!وش نسوي محتاجين فزعه

تــــــــــــــــــــرقبـــــــــــــــــــوا

ومفاجاءة البلوق حقي بقولكم مين اخوي اللى عنده مدونة !!!!بس حاليا مابقول على شان مانفضح زي مانفضح

يالهوووووووتي ضيعه بيتنا وجيتكم ركض

السلام عليكم ورحمه الله وبركاتة

مساء الخير وصباح الخير
على حسب الوقت اللى فاتح فيه !!

ممممممممممممممممم

مادري وش اكتب لكم ياجماعه
بس انا وحده من متى كنت اتمنى افتح بلوق لى
بس مع الاسم اليوم وبحمد من الله تم افتتاح البلوق
لا لا مو اليوم تم الافتتاح
اليوم لقيت اســــــم لووووول

تعبت وانا ادور اسم
واليوم قررت اني اقولكم
انى مضيعه بيتنا وياليت لو احد يدليني الطريق

اتمنى ان تكونون زوار يومي الى ماي بلوق

بس بشرط اذا شفتوا غلط املاءي تسكرون عيونكم وبدون فضايح من اولها

وان شاء الله اشوف تعليقاتكم وتشوفون مواضيعي

وابشـــــــــــــــركم

كل قــــــــــرا ماي بلوق لكم هدية علبة بندول اكستر من النوع الجيد على شان صداع الراس
وخصوصا انكم مقبلين على شهر رمضان !! والله يبلغنا واياكم رمــــضان ياارب


اختــــــكمــ :-
مضيعـــة بيتنــــــــا ^_^